陳志雲爆TVB山頭主義內幕 開會爭獎拗到面紅耳熱 搶人開劇向藝員施壓：過去就唔係我嘅人

陳志雲近日接受財經專欄作家渾水的《SpotiTalk》訪問，剖白昔日纏繞長達七年的官司心路歷程，又提到在TVB及商業電台工作的秘辛，以及「山頭主義」。陳志雲當年出任TVB總經理期間，曾主持王牌節目《志雲飯局》，原來邀約巨星並非易事，他更大爆當年有位女星美得驚人，卻意外「捧極唔紅」！

陳志雲曾目睹高層開會爭獎陳志雲談及電視台內部的人事鬥爭與「山頭主義」，直言製作部與藝員部之間完全沒有派系衝突「都係講大話」，但陳志雲認為在某程度上並非全是壞事，畢竟導演與演員長久合作，自然會產生默契，會想繼續一齊工作。

陳志雲亦不諱言當中存在不健康的「山頭主義」現象，他指出當兩組不同的劇集同時看中某位藝員時，暗潮洶湧的「山頭」就會顯現，甚至有高層會私下施壓：「你過去吖，我以後都唔用你，你過去就唔係我嘅人。」陳志雲更透露曾在開會時目睹藝員部與製作部，為爭奪獎項歸屬而「拗到面紅耳熱」，直接將「山頭主義」搬上談判桌。

陳志雲官司落難見盡人性對於當年捲入廉政公署（ICAC）調查風波，陳志雲經歷人生低谷。被問到是遭遇「大難臨頭各自飛」，還是感受到「人性光輝」？陳志雲坦言兩者皆有，但慶幸「大部份都係光芒多過黑暗」。陳志雲坦言選擇即時「割席」的人：「十隻手指數埋，一、兩個點都有」，他對此表示完全理解，亦毫無怨恨：「因為你都仲喺公司做嘢，你都要理下自己飯碗，即刻割席完全明白同理解，冇hard feeling。」

朱玲玲高招婉拒訪問不過陳志雲出任總經理時，並非所有人都俾面亮相《志雲飯局》。陳志雲坦言：「可能大家話嗰陣你係總經理，搵邊個都得，梗係唔係啦，好多人推過我。」還點名朱玲玲婉拒的手段非常高明，陳志雲表示：「譬如朱玲玲，嗰陣佢應承，但佢話唔想講呢樣，唔想講那一樣，淨係想focus on photography（專注於攝影）。」面對問題設限，陳志雲最終以得體的方式處理：「咁好呀！不如等你第日feel free嗰陣，我哋再傾過。」

陳志雲爆蔡少芬「不敢受訪」 陳志雲強調自己的訪問風格向來隨意，訪問大綱全在腦海中，亦極之尊重嘉賓的意願，若對方有顧慮不願提及某些話題，他通常都會配合，甚至有嘉賓「傾傾吓原本話唔提嗰啲，佢自己講埋」。

陳志雲透露最近曾邀請蔡少芬（Ada）接受訪問，對方的經理人非常有禮貌地推託，指蔡少芬與丈夫張晉正於內地工作，期望日後有機會再合作。隨後陳志雲從一位朋友口中得知「真相」，指蔡少芬曾私下向友人透露，害怕被陳志雲提問太過尖銳的問題，才不敢赴約。陳志雲隔空向蔡少芬喊話：「傻女嚟㗎，點會呢，傾偈咋嘛。」

陳志雲嘆某女藝人「太靚」反而捧唔紅陳志雲更分享昔日在電視台的「捧人遺憾」，當年有一位極具潛質的靚女藝員，獲高層一致看好並打算力捧，卻未能走紅。陳志雲無奈嘆道：「唔講名啦！某女藝員我哋睇好可以捧，靚㗎，咁多年來好少見咁靚，但唔得，可能因為佢太靚，啲女人唔鍾意。」

陳志雲妒忌商台阿正年賺五百萬陳志雲轉戰商台後，眼見後輩「阿正」黃正宜近年人氣爆燈，更傳出年賺500萬，陳志雲幽默地說：「我妒忌啦！」陳志雲盛讚商台願意給予新人空間去嘗試不同風格，並分析阿正的成功之道在於形象清晰，玩得真性情又腦袋轉得快，以及擁有無法複製的強大觀眾緣。