▪️馬斯坦杜安奴（Franco Mastantuono）帽子戲法，以19歲零28日成為費倫天拿喺意甲歷來最年輕一場入多過一球嘅球員。費倫天拿今季喺聯賽總數取得嘅五個入波全部都係阿根廷球員攻入，另外兩球係柏歷堅奴包辦。
喺雲路利回歸執教之後，費倫天拿至少有啲進步，除咗馬斯坦杜安奴表現搶鏡之外，法基奧利重新擔當中場核心嘅角色都好重要，今場表現亦都係水準之作，交出一個助攻。
威尼斯今季仍然未有任何積分，今場有兩次比較明顯嘅錯誤，史坦高域（Filip Stankovic）喺第一個失波嘅企位稍為差啲；夏普斯（Ridgeciano Haps） 喺第二個失波過程中出現漏踢。
Serie A 🇮🇹費倫天拿
