【On.cc】三代同糖︱吳若希關曜儁劇外頭貼頭　引身高疑問

由吳若希（Jinny）、車婉婉、李茵彤及趙浚承主演的無綫處境劇《愛．回家之三代同糖》，網民有彈亦有讚，反應兩極，不過劇中演員未被負評打沉，全情投入演出，亦積極在網上宣傳，望獲觀眾支持。而近日劇情講述Jinny相約男友關曜儁出席舞會，但因有「情侶身高差」顧慮，關曜儁為免女友遭嘲笑有位「小矮人」男友，所以專程到坪洲訂製增高鞋，可惜船期有誤，而錯失跟Jinny共舞機會，眼濕濕睇住女友和型男趙浚承起舞，相當慘情。

吳若希劇中同趙浚承起舞。

劇集播出後，關曜儁上載跟Jinny頭貼頭、翹到實的親密合照，似填補劇中的遺憾，他寫：「呢集睇到我眼濕濕，都係怪我趕唔到班船，我會努力增高㗎啦」，Jinny心痛呵番謂：「BB呀~唉~~~~~」，關曜儁再留言：「我仲喊緊呀」，可見兩位演員十分投入角色，有感同身受。

而令人好奇是到底Jinny高關曜儁幾多呢？網民試圖在關曜儁上載的3張合照中找答案。見第一張相，見Jinny高出關曜儁約2吋，但第2張及3張相，男方突然二次發育，竟然比女方更高，尤其第3張相，Jinny似「縮咗水」，相當詭異。翻查資料所得，關曜儁身高約5呎7吋，比5呎8吋高的Jinny僅矮1吋而已。

但其實吳若希劇中係同關曜儁係一對。

吳若希突然「縮咗水」。

淨係睇吳若希對腳就知佢高！

吴若希