艺人方力申昨晚（7日）到金钟出席晚宴。他受访时回应早前登台期间被指向台下一名观众“举中指”事件，解释当时只是举出疑似手势，他説：“唔似台下个手势咁清楚，但因为打咗格仔，所以大家先会哗然！”他表示当时正为内地的一个酒吧骚演出，坦言世上一定会有人喜欢自己，同样亦一定有人不喜欢自己：“或者有人饮得开心、情绪高涨咁，我唱紧歌嘅时候，我睇到下面有个人做呢个手势不特指，佢系影住自己只中指对住我，你觉得咁好玩，我都话畀你知，其实我都见到嘅。”虽然被人使出不雅手势，但他坦言并不介意亦不会嬲，自己于台上也有讲出对方举中指，故台下观众都明白他为何会做出这样的反应，认为大家身处这类场所，心情会变得放松，自己在台上也是抱轻松心情。他坦言不清楚对方是否有恶意，自己也只是回敬一个疑似手势，亦澄清台下并无任何人举起前度邓丽欣的照片：“因为现场个个都用手机拍住，冇谂过我会上报纸，都好多人问候我，问候我咩事，因为打咗格仔越睇越似。（当刻做咩手势？）总之唔系净系举一只手指，系举几只手指嚟回敬，唔系净系嗰只，我都冇咁大胆，费事下面啲观众以为我指住佢。”

方力申表示将于11月参加港澳慈善游，届到时会由大屿山游到澳门，现在正忙于练习，笑言除雀斑多了之馀，连疣也长了出来，问他会否担心再度“游到呕”？他笑谓：“梗系惊啦！年纪大咗，对上一次系7年前，今次游嘅距离冇咁远，但游出公海好多未知数，上次维港起码可以坐快艇兜个圈认路，但今次冇。（太太叶萱同女女会到场打气？）唔会，太太会晕船浪唔坐得船，会喺终点黑沙等我。”

提到爱女，方力申甜丝丝表示“见极都唔厌”，但坦言因工作关系，有时整天也没机会见面让他很挂念，又指女儿似乎开始懂得理解别人讲话：“叫爷爷或者爸爸佢识望过去，又识点头拧头，Kiss都识得听，我今朝见佢讲Kiss Kiss爸爸，佢拧头，我真系心伤！之后我话玩波波，佢又识点头！证明佢知道点头系Yes，拧头系No。（觉得安慰定佢叻？）觉得好伤心！”他笑指女儿爱搣他的脚毛，最叻跟他做“Bye bye”手势，他续説：“依家扶住会企得好好，希望到11月学识行。（平时咁忙惊唔惊错过啲重要时刻？）错过咗好多啦！好在有片睇。（想阿女叫爸爸定妈妈先？）叫妈妈先，我冇乜所谓嘅，最紧要系锡佢嗰阵唔好拒绝我。”