【On.cc】梅媽離世︱梅啟明認領遺體　考慮將母安葬梅艷芳旁

已故天后梅艷芳母親「梅媽」覃美金昨日（30日）在銅鑼灣寓所進食時暈倒，被送往律敦治醫院搶救後不治，終年102歲。今日（31日）早上10時許，梅媽的長子梅啟明偕同一女子乘坐的士抵達位於西區的域多利亞公眾殮房，辦理認領遺體手續。期間，梅啟明曾步出公眾殮房傾電話後，再返入內。離開時，他對傳媒解釋，同行女子是梅媽女助手，並非自己女友。

稍後，梅啟明接受現場多位傳媒採訪，被問到會以何形式舉行喪禮，他表示：「以老人家嚟講，我就唔應該（為梅媽）進行火葬，尊重老人家。（曾與梅媽生前討論此處理？）有有有，呢方面就一定係土葬多。」問到會否安排梅媽安放在愛女梅艷芳旁？他表示：「多數喇，等佢哋有個伴，講句難聽啲。」

梅啟明現身公眾殮房，辦理認領遺體手續。（攝：吳鎮興）

梅啟明表示欲安排土葬，並安排梅媽安放在愛女梅艷芳旁。（攝：吳鎮興）

當被問到會否奪回殮葬權？他即時態度強硬，反問：「你點解咁問？（聽聞「梅姐」梅艷芳經理人話唔想畀你搞？）邊個人？邊個係梅艷芳經理人？梅姐有經理人㗎咩？」提到梅媽早年與梅啟明宣布斷絕關係，會否對其現在手續處理上有阻礙？他對此表示：「我覺得一啲都冇，中國人呢啲嘢，係咪咁講呀！去到執法部門，職員都話『放心喇，你係佢個仔，你永遠都係佢個仔。』講到斷絕關係，中國人習俗嚟講係冇呢樣嘢，同埋依家包括法律，唔係你話斷絕就斷絕，同埋依家佢（梅媽）都係受人唆擺，佢依家（梅媽晚期時）都已經係朦朦朧朧。」

期間梅啟明提起梅媽生前好友潘小文透露梅媽已立遺囑一事，他直斥對方為「架樑」：「喂，你又點知呢啲嘢呢？我覺得呢個係大問題添！你係乜人呀？你係乜水呀？講句難聽啲，呢啲係我哋家事，就算係，都要經過法律程序。再加上姪仔同阿媽一齊住，點解老人家發生咁大件事，佢都唔喺度呢？佢都冇出現呢？」問到梅媽是否走得安詳？梅啟明表示Ok：「都希望佢走得安詳，唔好畀佢有啲咩…好似你哋尋日講話咩『對頭人』阻止，我話一定唔會啦。」

據知梅媽生前患有心臟病及高血壓，需要定時服藥及進食流質食物。執法人員檢查梅媽住所未有任何可疑地方，案件交由跑馬地分區雜項調查隊繼續跟進。梅啟明今日表示調查結果初步仍然指是「鯁親」，當時母親正進食麥皮：「係咪真係麥皮都未知！都係要深入去調查，先再諗下一步係點做。」

梅啟明稱習俗上，冇斷絕關係呢樣嘢。（攝：吳鎮興）

梅啟明質問為何與母同住嘅姪仔，昨日對梅媽鯁親一事毫不知情。（攝：吳鎮興）

梅啟明曾步出講電話。（攝：吳鎮興）