【On.cc】楊茜堯晒囡囡成長對比片　「小珍珠」幼稚園畢業神複製父母基因

藝人羅子溢與楊茜堯的掌上明珠「小珍珠」羅翊心（Hera）迎來幼稚園畢業！身為「廿四孝爸爸」的羅子溢，先前正忙於拍攝TVB新劇，即使連踩20小時工作，仍堅持特意向劇組請半天假，親自出席女兒人生第一個重要畢業禮。

隨着楊茜堯近期拍畢新劇《模範律師團》，夫妻二人雙雙結束忙碌行程，終於能好好享受溫馨的家庭時光。兩人日前在社交平台晒出Hera從入學到畢業的成長對比短片，愛女的高顏值畢業照曝光後吸引大量網民留言送上祝福。

小珍珠細細個就已經擁有美人胚子。

幼稚園畢業，大個女喇！

爸爸母母同細佬一齊出席家姐畢業禮。

小珍珠真係愈大愈靚。

子溢同囡囡玩飛高高。

好溫馨呀！

子溢接受東網訪問時表示：「終於完成咗首個階段完，我哋細個就冇咁多資源，依家負擔得起，咪畀多啲佢哋囉。」他又笑言一對子女其實不是太喜歡拍照，當日要出動大批零食去安撫他們：「話事話，佢哋有啲表演欲嘅，囝囝鍾意跳舞，囡囡就俾佢學樂器同唱歌，希望佢哋一展所長。」今日便是子溢42歲生日，談到慶祝活動，他表示：「留喺屋企慶祝得嘞，反而過幾日太太生日，我就會有啲安排，只要佢開心、小朋友開心，我就開心喇。」