【明報即時】郭晉安最愛《忠奸人》反派角色 「阿旺」成功卻帶來困擾

郭晉安最愛《忠奸人》的反派角色。（新城廣播圖片/資料圖片）

郭晉安今天（28日）接受新城知訊台由譚玉瑛、何基佑及林柏希主持的節目《放飯ICU》訪問， 大談演藝生涯、傷患經歷，以及與一對子女的相處點滴。。

被問到哪個角色最難抽離，郭晉安最愛《忠奸人》的反派角色：「嗰套劇我真係感覺到自己係演員，之前嘅角色我可以好快上身、好快掉走，但《忠奸人》之後，我會諗『我下次會唔會再遇到一個咁嘅角色』。」

至於經典角色「阿旺」，郭晉安笑言角色的成功反而帶來「困擾」：「唔知點解，我做咩戲，特別係返內地拍劇，都總有幾集要我演阿旺！甚至試過發夢夢見自己傻咗！」

不過他坦言，若今日再演阿旺，已無法重現當年感覺：「當年係我當年嘅心態，今日我都成長咗，要我再做番同一角色，未必會係以前嗰個阿旺。」

談及家庭，郭晉安透露大仔18歲，已考入英國皇家音樂學院主修法國號（French Horn），細女則15歲，留港讀中學。他笑言兒子小一選樂器時，他建議吹色士風「可以搵到食」，但兒子堅持選法國號，原因竟是：「我揀個大個啲咪好抵囉！」全場爆笑。

郭晉安又分享送長子到英國讀書時，臨別一刻兒子突然不捨，他感性地說：「佢話：『點解唔係上次去德國吹樂團嗰個心情嘅？』我話：『你係咪好唔捨得我？你記住呢份感情。』」

他透露兒子由12歲起已不讓他抱，但當日緊緊相擁，兒子更回頭3次，場面感人。當被問到長子性格像他還是媽媽時，郭晉安表示兒子性格像他，會從較多角度去想事情，不只是想自己。

至於幼女，郭晉安表示她自4歲開始熱愛跳舞，曾試探叫她放棄，她仍堅持繼續跳。郭晉安說：「我問佢點解咁鍾意跳舞，佢話『我跳舞嘅時候就好開心』，開心係永遠嘅元素。」

被問到會否擔心女兒拍拖，郭晉安大方表示：「我小學已經暗戀人啦！冇話中學生唔准談戀愛，佢要出現就出現。」談及他的感情生活，郭晉安不會刻意追求，因為是基督徒，相信天父會為他準備，到那一天便避無可避，亦無從選擇。

談及做運動習慣，郭晉安透露多年前因拍古裝劇經常跪地、吊威也，導致膝頭留下嚴重傷患。他憶述：「嗰時鼎爺（李家鼎）同我講：『你帶番個Pad啦！你咁樣砰一聲跪落地下，第時老咗你就知死！』但嗰時後生，覺得冇事。」

郭晉安坦言，拍攝《忠奸人》前曾接受手術，惟康復後打網球時再度受傷，不過他從未放棄，後來在物理治療師指導下，一星期練兩次，半年後痛楚完全消失。

（即時娛樂）