【娛樂新聞】姚焯菲親解「藐爆」鍾柔美真相：係我哋相處模式 唔應該喺公眾場合展現.「聲夢小花」姚焯菲（Chantel）早前被網上流傳一段短片，指佢喺鏡頭前對住鍾柔美（Yumi）秒速變臉，露出「鄙視樣」，隨即引發三人不和揣測。Chantel今日（5日）出席活動時親自還原真相，澄清只係好朋友之間嘅玩笑。

Chantel解釋：「我表情管理比較弱少少，如果識我哋就知道我哋相處模式就係成日玩、互串。講笑嘅時候都有呢啲表情發生，但係我唔應該喺公眾場合展現呢一面比大家睇，因為驚大家誤會。」佢又透露私下三人有討論此事：「我哋三個都覺得幾搞笑，因為都知道唔係真相。」強調三人關係融洽，唔會因為呢啲事影響感情。Chantel今次大方解畫，相信粉絲們可以放心，三個小妹妹依然係好姊妹。TVB