按照晉級路線走勢，三個主辦國身處嘅分組都可以「享有」32強對陣其他分組第三（最佳分組第三名）嘅優待。故還未確定晉級嘅加拿大，賽前仍需要「背水一戰」。

▪️伊斯美爾干尼上一仗斷腳，佢嘅位置由沙利巴（Nathan-Dylan Saliba）取代，而佢喺下半場就貢獻一次助攻，係少有加拿大發揮唔錯嘅球員之一。踢緊聖基萊斯聯嘅普美斯達維（Promise David）後備入替有收穫，一度令加拿大士氣大振。「楓葉國」面對瑞士有唔少球員嘅手腳「唔係咁乾淨」，前鋒拿連（Cyle Larin）同中堅干尼魯斯（Derek Cornelius）都有「紀錄在案」。

瑞士喺被追番較近紀錄之後，明顯收縮退守，亦都成功阻止再次失分確保勝果到終場哨聲響起。先有助攻華加斯（Rubén Vargas）爆射領先，再有同拍檔恩保路（Breel Embolo）配合擴大比數，20歲射手文森比（Johan Manzambi）今屆累積入球數字已經有3粒，後續發展值得大家留意。

▪️卡塔爾同波斯尼亞同樣急需搶分並且決出勝負先可以爭取第三名晉級資格。卡塔爾嘅四人防線依然漏洞百出，若非守門員艾般拿達（Mahmoud Abunada）有水準發揮，可能會有更多失波；艾菲夫（Akram Afif）同右閘柏杜米基（Pedro Miguel）係少有另外兩位有正常發揮嘅球員。

波斯尼亞歷來喺世界盃決賽周贏波嘅對手都係亞洲球隊， 2014年贏伊朗， 2026年贏卡塔爾。為球隊打開紀錄嘅艾拉比高域（Kerim Alajbegović）以18歲又276日之齡，成為世界盃史上第八年輕嘅入球球員。迪施高（Edin Džeko）第150次代表國家隊上陣都有進帳，不過賽會就計咗艾般拿達烏龍。波斯尼亞5分鐘連入兩波，對卡塔爾球員心理造成致命打擊。馬米錫（Ermin Mahmić）成為第一位喺世界盃為波斯尼亞入多過一球嘅球員 ，今屆兩次後備入替都取得入波。波斯尼亞簡單，直接，其實冇乜嘢花巧，但係都好實際。贏波之後佢哋累計有4分，淨勝球-1，暫列最佳分組第三位嘅「頭名」，篤定獲得晉級資格。

世界盃分組賽賽事賽果-Group B波斯尼亞🇧🇦3-1🇶🇦卡塔爾瑞士🇨🇭2-1🇨🇦加拿大

FIFA World Cup 2026 🇺🇸🇨🇦🇲🇽世界杯世界盃分組賽瑞士球迷俱乐部加拿大球迷俱乐部波黑球迷俱乐部