郭晉安悼念鐘景輝：真係幫助咗我好多，一路同我成長嘅一個前輩.對於King Sir離世，郭晉安說：「King Sir對我嚟講就係演藝界嘅寶藏，無論幕前幕後佢都有好多知識，包括舞台劇、電影、電視都有好多傑出作品，甚至乎幕後配音、一啲綜藝節目都好吸引嘅，都可以係一路同我成長嘅一個前輩。」

「我有幸喺劇集《老表，你好hea！》中同佢有接觸，佢就飾演我爸爸啦，咁喺拍檔嘅過程裏面，我覺得佢係一個好斯文、好優雅嘅一個男士，平時佢就好少講嘢，當然佢係一個老師，如果你問到嘅時候，佢會講解畀你聽，嗰陣我拍劇時都藉住呢個關係問咗佢好多戲劇知識，咁係真係幫助咗我好多，King Sir今次離開我就覺得係好惋惜，同埋有好大傷感喺裏面，希望King Sir一路好走啦！」

演员钟景辉去世