F4演唱会曝生化危机粉丝带「极强传染麻疹」入场！

过去几日5月28至30号，由言承旭、吴建豪、周渝民（仔仔）联同五月天阿信合体的《F✦FOREVER 恒星之城》巡回演唱会唱到去印度尼西亚雅加达，点知期间竟爆出了一单「超级播毒惊魂」，搞到成个印尼网络全城围剿！

Threads 上面有一位印尼当地网民出 post 炫耀，话自己好幸运、好感恩可以亲临现场睇《F✦FOREVER》演唱会。佢仲上载咗两张相，其中一张自爆自己腿上红斑暗疹。

这位粉丝配文：「真是好难想像这天竟然有机会睇到 F4 😭 因为……开骚前3日，我竟然中咗麻疹（Campak）呀！成身嘅皮肤变成咁样，而且传染性极高！当时真係完全认命、准备放弃，谂住张会飞要变废纸喇……我被治癒咗，仲可以喺咁近嘅距离睇到阿信🥺 多谢主耶稣，真係太好喇！！」

睇相见到，佢同埋男伴手拎住应援手灯，周围全部坐满晒密密麻麻、毫不知情嘅无辜观众。

呢post一出，即时引嚟大批当地网民同粉丝谴责，有网民直斥佢「自私」。

有网民留言质问：「但你知唔知麻疹传染性超级高铁㗎……就算你觉得3日后自己好返，但你啲红疹明明仲喺度……」

之后又有印尼粉丝自发告知其他参加演唱会嘅观众：「希望这条推文能传到那些看F4演唱会的人...任何看过演唱会的人请尽快进行检查或自我隔离哦！」

要知道麻疹病毒潜伏期同传染力极强，呢位女粉喺密闭、几万人一齐大叫呐喊嘅体育馆入面「带病狂欢」，周边嘅观众随时中招，分分钟变成「恒星之城播毒大会」！