文佐匡、冼靖峰談「LOONG9」名存實亡：我哋都係盡力做. 日前同是《亞洲超星團》出身嘅文佐匡（Sean）、余宗遙（Dez）、黃星綽（Hugo）、黃奕斌（Hugo）及冼靖峰（Archie）組成全新男團「SURFIVE」。文佐匡及冼靖峰出席TVB節目巡禮接受傳媒訪問時透露團名寓意「衝浪」，要衝破所有難關。

對於之前嘅團體「LOONG9」已經名存實亡，冼靖峰同文佐匡相視而笑後表示：「一切聽公司安排，公司覺得我哋喺唔同範疇發展，我哋就盡力做。作為Artist，就係盡力跳好、唱好每一個表演。」文佐匡亦話做好自己本份就得。被問到「舞蹈白紙」冼靖峰嘅進步，文佐匡大讚佢學得好快。冼靖峰坦言有壓力，但係正面嘅，迫自己進步。對於網民笑佢「無限出道」，28歲已經出道3次，冼靖峰豁達表示心態上一直當自己係新人，保持住Refresh嘅感覺。TVB