2026紐約電視電影節 TVB勇奪1金2銅4優異獎 橫掃7項國際大獎

. 電視廣播有限公司（TVB）喺「2026紐約電視電影節」（New York Festivals TV & Film Awards 2026）再度揚威國際，合共奪得1個金獎、2個銅獎及4個優異獎，總共7項大獎，成績斐然。其中焦點獎項包括：由TVB企業傳訊CID部門創作嘅《刑偵12》宣傳片，勇奪「電視劇宣傳組別金獎」；《2025香港小姐競選決賽》獲得「製作設計／美術指導組別銅獎」；無綫新聞及資訊部製作嘅《新聞透視：宏福苑五級火》就奪得「時事節目組別銅獎」。

CID部門近10年喺「紐約電視電影節」累計獲得32個獎項，實力備受國際肯定。今次得獎作品嘅突破之處，係團隊能夠將多年美學經驗，同AI技術靈活結合，提升製作效率同視覺張力。其中《刑偵12》宣傳片以黑、白及紫粉紅為主調，配合流水、潑墨、破鏡同撕碎嘅孩童畫作等視覺元素，營造懸疑美學。而《2025父親節》宣傳片就善用AI影像生成技術，創造出AI劉丹同可愛貓咪，打造暖心親情故事，成功觸動觀眾共鳴。

除咗CID部門，無綫新聞及資訊部亦憑《新聞透視：宏福苑五級火》同《新聞透視：詐騙園進化》分別獲得銅獎同優異獎。劇集《新聞女王2》同戀愛真人騷《女神配對計劃》亦分別獲得「劇集組別」同「綜藝節目組別」優異獎。TVB喺劇集、綜藝、新聞專題、品牌宣傳、製作設計等多元領域全面開花，再次證明其作為領先華語電視媒體嘅國際競爭力。TVB