2026年世界女子桌球錦標賽日前在中國東莞落幕，香港「四眼cue后」吳安儀憑季軍佳績，力壓中國名將白雨露重返世界女子桌球世界第一，相隔7年再度登頂。吳安儀早前在世界女子桌球錦標賽雖於4強不敵英國老對手伊雲絲（Reanne Evans），但隨著中國白雨露在8強爆冷負泰國「黑馬」Panchaya Channoi，其世界排名積分以69500分力壓白雨露（67750分）登頂，自2019年4月以來首次重返「世一」。35歲的吳安儀在在今年勢頭大勇，先後贏得了比利時公開賽和英國公開賽的冠軍，並打入了世界桌球聯會（WSF）女子錦標賽決賽，這位3屆世界冠軍得主更是發揮穩定，自2023年5月以來於WWS巡迴賽的22場比賽中，有20場比賽至少打入4強。吳安儀直言今次重返「世一」，比起2018年首次獲此成就難度更高、更有意義，「因為現在女子球員水平高咗好多，參賽人數又多咗，有嚟自唔同國家，所以競爭大好多，特別多咗一班基本功好好年輕嘅球員。其實呢兩年，我有幾次都同『世一』擦身而過，好幾次都只係差咁一場，每一次差少少，心理上都要調整，所以今次可以重返呢個位置，真係一啲都唔容易。不過我明白，重返世一好難，但以後想繼續保持呢個位置，就更加難。我都要同班新晉嘅後生球員一樣，繼續努力練波，去提升自己嘅技術。」這名「四眼cue后」笑言，近年女子桌球有更多媒體報道，亦吸引更多人關注，「諗返起我初初打女子排名賽嗰陣，連世界錦標賽都只係喺英國啲 local 球會入面打；但去到今日係東莞，我哋終於有一個正式嘅體育場地，完善配套。仲有埋網上直播。好似今年世錦賽咁，就已經有差唔多100人一齊爭，呢啲都係一件好事。」