如果你70分鐘先開始睇呢場波，咁你就錯過咗9個入波！雙方嘅進攻端都異常出色，但防守端又一般般，結果相輔相承之下就締造咗呢個大比數。

巴黎聖日門方面，卡華拿舒基利亞同奧士文迪比利嘅令拜仁後防壓力山大，另外三位表現出色嘅係今場有一球進帳嘅祖奧尼維斯、貢獻兩次助攻嘅杜爾以及發動機域天拿。較為災難級嘅就有厄瓜多爾中堅柏祖、盧卡斯靴蘭迪斯以及後備入替嘅法比安路爾斯。

拜仁方面，路爾斯戴亞斯同奧利斯發揮最好嘅兩位，但同樣防守端嘅問題即便下半場擁有主場之利亦難言取勝。兩個閘嘅史坦尼錫（Josip Stanišić）同艾方素戴維斯，還有龍門紐亞嘅演出都不敢恭維。

拜仁嘅埋門威脅更多（9次埋門8次中龍），但入球轉化率不如巴黎（8射5次中目標5個入波）。次回合返回安聯球場，一切皆有可能。

UCLSemi Finale1st Leg巴黎5-4 拜仁