【On.cc】周嘉洛實測$200照騙公寓　朱敏瀚隊原條牛鞭味竟然似...

無綫綜藝節目《試真D》昨晚（20日）播出江美儀、周嘉洛、朱敏瀚（朱仔）與曾展望（GM）在深圳分別實測住宿、湯水專門店及網紅超市「紅黑榜」食物。在三大實測行動中，以周嘉洛單人匹馬挑戰日租約200港元疑似「照騙酒店」，嘉洛一到酒店，便發現圖文嚴重不符，貨不對辦如此嚴重，他即發揮一貫幽默感，以「金城安廢青」crossover「地產經紀油腔滑調」Style演繹：「大家見到呢個屋嘅設計……係冇嘅，同我一樣咁平實、有內涵（裝修）」、「呢個廁所我哋採用咗乾濕永不分離嘅設計，只要喺度屙完篤屎，直接掹個花灑洗埋Pat Pat，快靚正，因為我哋知道時間就係寶貴嘅資源。大家留意到啦，個廁所係冇蓋㗎，有蓋你點可以睇到個水位呀？依家有水冇水，一目了然（廁所簡陋）」、「我哋睇睇個景色先，呢個景色幾咁開闊，無論隔籬晾衫你會睇到，開電視你會聽到（冇景觀）」、「你睇吓感唔感受到一絲嘅微風呀？真係半絲都冇㗎…無論係春夏秋冬、微風、狂風、強風都唔會有分別，呢個就係我哋專注嘅（通風差）」、「我哋再睇睇呢個3D投影機…係開唔到嘅，唔係巧合，係心思，因為我哋知道睡眠質素好重要，我哋唔會畀藍光影響你嘅睡眠質素。」最後嘉洛回復測試員身份，強烈勸勉大家不要入住。

江美儀先後率領朱仔和GM挑戰網上評分高達4.7分的豪華靚湯，分別是價值人民幣888元的「少爺湯」及人民幣268元的「蠍子湯」，「少爺湯」材料包括原條牛鞭，江美儀及朱仔食後異口同聲指牛鞭質感似牛筋、牛睾丸則味道似雞子，已戒牛的GM，聞到牛睾丸陣味已嚇至面容扭曲兼標眼水，之後GM挑戰食蠍子，食到乸口乸面，雖然他品嘗完說：「有啲似蟹膏味」，並補充一句：「但我本身唔『好』蟹。」

200蚊酒店有咁靚？

嘉洛去實測。

試吓張床先。

江美儀先後率領朱仔和GM挑戰網上評分高達4.7分的豪華靚湯。

朱敏瀚