金像獎︱章子怡身材回復苗條 拍完家暴戲發噩夢.內地影后章子怡憑電影《醬園弄．懸案》獲提名最佳女主角，佢以藍色露背上衣配黑色閃片裙到場。之前被人話面頰腫脹同身材發福嘅佢，今晚狀態大勇，面冇浮腫，身材都苗條唔少。問到得獎信心，佢自信咁話：「信心肯定會有，但一個好角色比攞到獎更重要，因為演嘅過程有好大收穫。」佢話片中角色命運坎坷，長期受家暴，拍完之後經常發噩夢，心理同身體上都受到頗大傷害。