金像獎︱陳湛文入圍男配角 林家熙打拳出場造勢

陳湛文憑電影《UFO離奇命案》入圍最佳男配角，佢同劇組一齊行紅地氈時，公布電影會喺暑假上映。問到拍攝時嘅難忘事，陳湛文笑話：「因為拍嘅時候臨近春節，當時好凍，小弟拍嘅時候又着得好少布，所以覺得好凍。」

另一位憑電影《拼命三郎》入圍最佳男配角嘅林家熙，行紅地氈時特別打住拳出場，佢笑言自己好鍾意運動，希望繼續拍多啲同運動有關嘅電影。