金像獎2026｜王丹妮性感低胸行紅地氈 李佳芯首次亮相ViuTV.《第44屆香港電影金像獎》今日（19/4）喺香港文化中心舉行，同以往一樣，一眾演員率先行紅地氈，以最靚姿態現身。第一個亮點就係近日憑《夜王》「Coco姐」人氣急升嘅王丹妮，以性感低胸裝扮亮相，一出場就向現場記者朋友大派飛吻，非常搶鏡。

另外，憑電影《金童》入圍最佳女配角嘅李佳芯（Ali），同張繼聰一齊進場，今次亦係Ali首次亮相ViuTV。佢喺紅地氈上唔單止大方微笑，仲向大家派心，狀態大勇。張繼聰同李佳芯憑《金童》雙雙入圍最佳男主角同最佳女配角，兩人一齊行紅地氈，成為焦點之一。