金像獎｜訪問背景出現《尋秦記》船 谷德昭：丟你支持嗰套戲嘅架

第44屆香港電影金像獎今日（19日）喺香港文化中心舉行，同往年一樣，一眾演員先以最靚姿態行紅地氈。行完紅地氈，有啲藝人會被安排做訪問，而大會今年安排咗沈殷怡同強尼做司儀訪問嘉賓，同之前一樣，都係背對美麗嘅維港，務求令畫面變得最完美。

不過訪問期間發生咗小插曲，當張繼聰同李佳芯接受訪問時，後面竟然出現咗《尋秦記》嘅應援船，呢個畫面令谷德昭非常不滿。佢喺社交平台話：「估唔到今年仲有船停在訪問背境阻住晒，咁唔文明行為，直情係丟你支持嗰套戲嘅架！」